186
Türkmen türgenleri Ürgençde geçirilen «UZBEKISTAN OPEN 2024» karate boýunça ilkinji halkara (WKF) ýaryşynda dürli derejeli 23 medal eýelediler.
Bäsleşige dört ýurtdan: Gyrgyzystandan, Täjigistandan, Türkmenistandan we Özbegistandan 293 karateçi (200 oglan we 93 gyz) gatnaşdy. Ýaryş geçirilen ýurda meýdança eýeleri hökmünde aýry-aýry klublar wekilçilik etdiler.
Türkmenistanyň toparynyň hatarynda 74 türgen, 7 tälimçi we 10 emin bardy. Tutluşyklaryň ähli görnüşlerinde ildeşlerimiz 5 altyn, 5 kümüş we 13 bürünç medala mynasyp boldular.
Iň ýokary derejeli medallary: Aýgül Esenowa (kata, 16 ýaşdan uly), Gurbannazar Amandurdyýew (kumite, 14-15 ýaş, 52 kg çenli), Nadira Asadowa (kumite, 14-15 ýaş, 47 kg çenli) ), Dawut Nazmyradow (kumite, 18 ýaşdan uly, 75 kg çenli) we Ogulsuraý Täçdurdyýewa (kumite, 18 ýaşdan uly, 55 kg çenli) eýelediler.
Kümüş medala: Yslam Annaorazow (kata, 16-17 ýaş), Bägül Weliýewa (kata, 16 ýaşdan uly), Jora Öwezmyradow (kumite, 14-15 ýaş, 52 kg çenli), Resul Atajanow (kumite, 18 ýaşdan uly, 55 kg çenli) mynasyp boldular. Karateçilerimiz toparlaýyn kumitede ýene bir kümüş medal gazandylar.
Bürünç medaly: Dawut Saryýew (kata, 14-15 ýaş), Rustam Ruhanow (kata, 16 ýaşdan uly), Serdar Jumanow (kumite, 14-15 ýaş, 57 kg çenli), Medine Gulamanowa (kumite, 14-15 ýaş, 47 kg çenli), Magtymguly Annaýew (kumite, 15-16 ýaş, 55 kg çenli), Gurbannazar Gurbannazarow we Sylapberdi Orazgeldiýew (ikisem kumite, 16-17 ýaş, 76 kg çenli), Anna Karimowa (kumite, 16-17 ýaş, 53 kg çenli), Arzuw Seýitgulyýew (kumite, 18 ýaşdan uly, 55 kg çenli), Baýry Baýryýew (kumite, 18 ýaş, 75 kg çenli), Jelal Satlykgulyýew (kumite, 18 ýaşdan uly, 84 kg-dan ýokary), Mähri Baýramgeldiýewa (kumite, 18 ýaşdan uly, 50 kg çenli) we Selbi Rozybaýewa (kumite, 18 ýaşdan ýokary, 68 kg çenli) eýelediler.
Medallar babatda Türkmenistanyň topary baýrak eýelän 13 toparyň arasynda üçünji orny eýeledi, ilkinji iki orna Kaşkadarýa welaýatynyň (9 altyn, 2 kümüş we 3 bürünç medal) we Daşkent welaýatynyň (6 altyn, 5 kümüş we 10 bürünç medal) toparlary mynasyp boldular.
Türkmenistanyň toparyny bu ýaryşa tälimçiler Aýdyň Çaryýew we Igor Rahymow taýýarladylar.