286
«Türkmenaragatnaşyk» agentliginiň Politehniki orta hünär okuw mekdebinde Türkmenistanyň Prezidenti Serdar Berdimuhamedowyň «Ýaşlar – Watanyň daýanjy» atly ilkinji kitabynyň tanyşdyrylyş dabarasy geçirildi. Oňa orta hünär okuw mekdebiniň professor-mugallymlary hem-de talyp ýaşlary gatnaşdylar.
Tanyşdyrylyş dabarasynda çykyş eden mugallymlar hem-de talyplar Prezident Serdar Berdimuhamedowyň durmuşa geçirýän ýaşlar syýasatynyň netijesinde ýurtda ýaşlar üçin giň mümkinçilikleriň döredilýändigini aýratyn bellediler.
Mundan başga-da, döwlet Baştutanynyň bu kitabynda Türkmenistanyň durmuş-ykdysady, medeni-ynsanperwer we beýleki ugurlardaky ösüşlerine goşant goşan ýaşlaryň atlarynyň girizilendigi, olaryň gazanan üstünlikleriniň bu eserde giňişleýin beýanyny tapandygy buýsanç bilen bellenildi.