«Yinyue Fan» atly sesli äýnek açyk görnüşli gulaklary, gohy azaldyjy akylly algoritmi we mikrofony özünde jemleýär.

«JBL»-iň «Yinyue Fan» günlik äýnekleriniň adaty äýneklerden tapawudy onuň aýna görnüşindäki dizaýnynyň bolmagydyr. Onda sesi diňleýjä düşnükli we ýokary hilde geçirmek üçin ýörite çyzyk görnüşinde ýerleşdirilen enjam hereket edýär. «JBL»-iň «Directional Sound Field System» tehnologiýasynyň kömegi bilen diňlenilýän aýdym ýa-da gürleşilýän gürrüňler daşyna eşdilmeýär. Mikrofonlary sesi arassa we daşky gohuň täsiri bolmazdan ýazmagy üçin bolsa ýörite akylly algoritm bilen üpjün edilen.

Mundan başga-da, äýnek ultramelewşe şöhlelerden goraýjy linza bilen enjamlaşdyrylan. Äýnekleriň suw goraýjylarynyň barlygy ony ýagyşly howada hem ulanmak mümkinçiligini döredýär we Bluetooth 5.2 birikdiriji arkaly ulanmak bolýar. Bu enjamy 8 sagat yzygiderli ulanmak bolýar we ol birnäçe ýyllaryň dowamynda peýdalanmak üçin niýetlenendir.