«PythonMaps» taslamasynyň awtory, doktor Alan Simington dünýäniň ähli ýollaryny kartalaşdyrdy. Bu işi amala aşyrmakda ol «Global Roads Inventory Project-iň» (GRIP) maglumatlaryndan peýdalandy.

Kartada ýollar dürli reňkler bilen bellenipdir. Uly magistrallar, ilatly punktlar we olaryň arasyndaky uly ýollar – ak reňk bilen, asfalt ýollar – sary, asfaltlanmadyk ýollar gyzyl reňk bilen reňklenipdir.

Dünýädäki ýollaryň uzynlygy 21 million kilometre barabar diýip hasap edilýär. ABŞ dünýädäki iň uzyn ýol ulgamyna eýedir (3 mln km töweregi), Hytaýdaky ýerleşýän ýollaryň umumy uzynlygy — 1,7 mln km, Hindistandaky — 1 mln, Russiýadaky — 621 müň 813 km-dir. «PythonMaps.com» portalynyň habar bermegine görä, dünýädäki iň kiçi ýol ulgamy Palau döwletine degişlidir (18 km). 

Çeşme: https://salamnews.tm/section/ylym-bilim/others/dunyadaki-ahli-yollaryn-kartasy-doredildi-1c02d6